Sendur aðra hvora viku
til 986 tryggra áskrifenda

Í átakinu undanfarna mánuði að finna góð kaup um víðan völl beindist athygli okkar að S-Ítalíu. Við vissum að á S-Ítalíu væri oft að finna góð kaup og það hafði lengi staðið til að finna þar framleiðanda sem framleiddi vín á góðu verði.

Eftir tilheyrandi vangaveltur voru okkur send sýnishorn (við viðurkennum að þetta er ekki leiðinlegasti þáttur vínstarfsins) frá tveimur nýstofnuðum víngerðum á svæðinu.

Önnur með þekkta víngerðarfjölskyldu á bak við sig þar sem mikið var lagt í útlit miða og markaðssetningu, vínin miklar bombur, nammikennd og ýkt á köflum og ekki alveg eins ódýr og við hefðum viljað (maður borgar fyrir pakkningar). Flott nafn sem allur heimurinn gæti borið fram.

Hin var stofnuð af verslunarmanni í héraðinu sem framleiddi eingöngu vín úr lífrænt ræktuðum þrúgum með nokkuð lágu áfengismagni og þægilegum jarðkenndum blæ sem gerði þau heilsteyptari og tengdari uppruna sínum. Verðin góð en engir svona glansandi "keyptu mig!" límmiðar fyrir utan að nafnið var frekar furðulegt og óþjált.

Hvað völdum við?

Nr. 2.

Ekki spurning.

Maðurinn á bak við vínin er Bisceglia (borið fram "Bisjelía") og við þurftum eiginlega ekki að vita hver hann var eða hvaðan hann kom, vínin sögðu alla þá sögu sem segja þurfti (áhugasamir um ættfræði geta keypt þessa bók á Amazon).

En pistillinn er orðinn svo langur að við látum nægja að benda á að vínin þrjú frá Bisceglia koma öll frá sitt hvoru héraðinu á S-Ítalíu. Hvítvínið Falanghina (2.120 kr.) kemur frá Campania héraði, rauðvínið Primitivo frá Puglia (2.189 kr.) og rauðvínið Aglianico del Vulture (2.189 kr.) frá heimahéraði framleiðandans, Basilicata.

Fást öll í Vínbúðunum Heiðrúnu, Kringlunni og Skútuvogi.

Vefsíða framleiðandans Bisceglia »

Frá því hún opnaði fyrir tveimur vikum eða svo hefur Frú Lauga boðið upp á svínakjöt frá Laxárdal.

Svínin á bænum eru fóðruð á byggi sem bændurnir rækta sjálfir.

Hollt og íslenskt.

Við rifjuðum á dögunum upp einn af mikilvægustu máttarstólpum íslenskrar matarhefðar:

Sunnudagssteikina!

Vakna mátulega snemma, fara í sund eða labbitúr. Elda í rólegheitum, ef til vill hlusta á messu í útvarpinu. Öllu stressi vísað á dyr. Borða með vinum og fjölskyldu góðan hádegismat og spjalla frameftir degi.

Mas de Gourgonnier hvítvínið lífræna frá Frakklandi smellpassaði með.

Uppskriftin af Síðusteik frá Laxardál »

Hún er komin heim þessi elska.

Beljan.

Frá því í vor höfum við háð baráttu við stéttarfélög ítalskra prentara og yfirvald Áfengis- og Tóbaksverslunar Ríkisins um að fá að hanna kassavín eins og við vildum hafa það.

Á meðan naut Beljan sjálf lífsins í dekstruðu yfirlæti hjá hjónunum Alessandro og Antoniettu í eikarkastalnum Castello di Querceto.

Nú er hún komin heim með fulla spena af rauðu og hvítu og mun taka á móti gestum í Vínbúðunum frá og með 1. september.

Vinir beljunnar geta spjallað við hana á Facebook »

Hjálpaðu okkur að stækka

	Senda til vinar
	Senda á Facebook

Allt er gott sem endar (vel)

Þessi póstur er sendur til [email address suppressed] af því þú skráðir þig á póstlista Víns og matar.
Komið nóg í bili? Smelltu hér til að segja upp áskriftinni.